अभिनेत्री नेहा पेंडसेने मराठीसह हिंदी मालिका, चित्रपटांमध्येही काम करत स्वतःचं एक वेगळं स्थान निर्माण केलं. सध्या ती मालिका, चित्रपटांपासून दूर आहे. पण सोशल मीडियाद्वारे चाहत्यांशी नेहा संपर्क साधताना दिसते. विविध फोटो व व्हिडीओ नेहा पोस्ट करताना दिसते. कामाबरोबरच नेहाचं खासगी आयुष्यही कायमच चर्चेत राहिलं आहे. नुकतचं तिने एका मुलाखतीत खासगी आयुष्याबाबत भाष्य केलं.
२०२०मध्ये नेहा शार्दुलसह विवाहबंधनात अडकली. तिने अगदी थाटामाटात लग्न केलं. सध्या नेहा तिच्या सुखी संसारामध्ये रमली आहे. पण हे सगळं करत असताना नेहा तिची आवड जोपासते. प्लॅनेट मराठीला दिलेल्या मुलाखतीत नेहाला तिच्या खासगी आयुष्याबाबत एक प्रश्न विचारण्यात आला. यावेळी तिने दिलेलं उत्तर अगदी लक्षवेधी ठरलं.
आम्ही असं ऐकलं आहे की, तू सहा मुलांची आई आहेस?” असं नेहाला विचारण्यात आलं. यावर नेहा म्हणाली, “हो, मी सहा मुलांची आई आहे. सहा मुलं म्हणजे माझ्याकडे सहा कुत्री आहेत. मला आणि माझ्या नवऱ्याला पाळीव प्राण्यांची आवड आहे. त्यांच्याकडे आधीच चार कुत्रे होते. आमचं लग्न झाल्यानंतर दोन पुन्हा आम्ही घेतले.”
“ही सहा मुलं म्हणजे आमचं आयुष्य आहेत. माझं त्यांच्यावर खूप प्रेम आहे. मी घरी असताना माझ्या आजूबाजूला कोणतीच व्यक्ती येऊ शकत नाही. मी त्यांच्याबरोबर सुरक्षित असते”. नेहाने हे उत्तर देताच तिचं पाळीव प्राण्यांवर किती प्रेम आहे हे दिसून येतं. शिवाय आवडीने ती या सगळ्यांना सांभाळते.
आम्ही तुमच्यासमोर न्यूज हेल्थ आणि स्टोरी अशा खूप साऱ्या आर्टिकल मार्फत भेटत असतो तुम्हाला काय अजून वाचायला आवडेल हे आम्हाला कमेंट मार्फत नक्की कळवा कारण तुमची एक कमेंट आमचे प्रोत्साहन वाढवत असते
तसेच आमचे फेसबुक पेज हि नक्की लाईक करा जेणेकरून तुम्हाला आमच्या सर्व अपडेट मिळतील आणि त्याच बरोबर आमचे फेसबुक पेज शेअर हि नक्की करा धन्यवाद